Отворено писмо до моите стружани

Ако е и од стружани, многу е! Се срамам од недемократскиот и ни малку цивилизиран однос на една поголема и oрганизирана од некого група мои стружани (за жал, меѓу нив и мои другари и пријатели), кои на најгруб, силеџиски и вулгарен начин не дозволија да се одржи трибината „За Европска Македонија“, вчера вечер во Домот на културата во Струга. Така, Домот на културата се претвори во дом на струшката некултура, во голем срам и за  браќата Миладиновци и плејадата истакнати нивни сограѓани, кои низ минатото,  ја градеа Струга како цивилизациски центар опеан и во песните.

Навистина не можам да сфатам што имаше лошо во тоа да се слушнат учесниците на трибината и нивните размисли за нашиот, Македонски, пат во Европа и да се учествува, сосема демократски и слободно во дебатата со свои размисли, без разлика дали тие ке се различни од оние на медијаторите?!

Како и да е. На моја и наша Струга за која со полна уста се фалиме дека е демократска, цивилизациска, мултиетничка, мултикултурна и што уште не како нејзини позитивни атрибути, вчера и се случи повторно 2004-та само, овој пат, на културен, демократски и цивилизациски план. Штета и срамота!! Не знам како и уште колку вода ќе треба да протече низ Дрим за да се испере барем, срамот. За штетата – ненадометлива е!

За овој и ваков настан ќе се срамат уште многу генерации на моите стружани.