На малиот плоштад во Охрид, денес, беше отворена изложба на фотографии за биодиверзитетот на Националниот парк Галичица и Охридското Eзеро.
Изложбата се одржува по повод годинешната тема на Зелената недела на Европската Унија , „Природата- наше здравје, наше богатство“, во организација на општина Охрид, а во соработка со Делегацијата на ЕУ, Националниот парк „ Галичица“ и Нуркачки клуб „ Амфора“.
Целта на одржувањето на настанот е подобра промоција на биодиверзитетот на Охридското Езеро и планината Галичица, потребата од неговата заштита, развивање на чувството за одговорност кон природното богатство.
Изложбата ќе трае до 26 јуни, а фотографиите може да се погледнат во периодот од 10 до 20 часот.
OhridNews
