Отворен ден за едукативно-забавната програма „Полетарче“ наменета за деца од 3-5 годишна возраст ќе се реализира денес во просториите на Црвен крст Охрид од 13-15 часот.
Искористете ја оваа единствена можност и овозможете вашето дете, преку игра, забава и дружење да ја развива и јакне самодовербата, да стекне вештини важни за успешно извршување на училишните задачи преку креативни вежби за броење, помнење и концентрација, вежби за размислување, вежби на графомоторика, вежби на фина моторика, вежби за осознавање и разбирање на просторните и временските односи, вежби за говорот и речникот, јазична и математичка писменост, социо-емоционални вежби, вежби за насочување и одржување на вниманието и друго. Вежбите се приспособени на возраста на детето и преку нив детето станува свесно за своите способности, се поддржува да не се откажува при правењето грешки и да има храброст да биде креативно, посочуваат од Црвен крст Охрид.
За уписи во пролетниот циклус на програмата, додаваат, сите заинтересирани можат да се информираат и пријават на телефоните 046 261909 или 072 246175, на е-маил: [email protected], или во просториите на Црвен крст Охрид, секој работен ден од 8-16 ч.
OhridNews
