Режисерот Брет Морган, познат по документарецот „Кросфајр Хурикен“, за легендарниот бенд „Ролингстоунс“, открил некои детали од документарецот за Курт Кобејн, фронтменот на групата „Нирвана“ кој во 1994 година извршил самоубиство. Овој филм ќе биде фокусиран на карактерот, личноста и мрачната страна на животот на Курт Кобејн.
Морган објаснил дека кога размислувате за Курт, сваќате дека тој бил контрадикција на самиот себе. Знаел да биде искрен и сентиментален, но исто толку и саркастичен и ироничен. Исто така бил и неверојатно смешен, па така идејата на филмот била да ги прикаже сите страни од неговиот карактер. Режисерот сеуште не знае кога филмот ќе се најде пред публиката, бидејќи не сакал да пропушти ништо важно од животот на музичарот, а неопходниот материјал му бил отстапен од Кортни Лав.
