Еден американски истражувач открил инсект кој би можел да биде најголемиот кој досега бил пронајден во светот. Инсектот наликува на огромен скакулец, а му припаѓал на видот џиновски вета, од кои меѓутоа, бил многу поголем. Имено, долг бил околу 20 сантиметри и приближно тежок колку три глувци. Необичното суштество го открил американецот Марк Мофет на едно дрво на островот Мал Гребен, на Нов Зеланд.
Мофет со тим истражувачи отишол на островот во обид да ги пронајде овие инсекти за кои се верувало дека се истребени. Со часови трагале залудно, а потоа изненадно забележал еден на дрво. Мофет објаснил дека џиновскиот вета веќе е најголем инсект на светот, но ова бил најголемиот примерок кој досега бил пронајден. Откако го фотографирале, Мофет и неговиот тим неверојатниот инсект го пуштиле назад во природата.
