Мечот од 16-то коло во англиската Премиер лига помеѓу екипите на Блекпул и Манчестер Јунајтед кој требаше да се одигра во сабота е одложен поради лошите временски услови. Главниот судија на мечот Питер Валтон, по разгледот на теренот одлучил мечот да не се игра. Теренот на стадионот на новиот Премиерлигаш е заледен бидејќи нема поставено греење, па така е проценето дека за фудбалерите на двата тима би било од голем ризик да се игра на таа подлога.
Челси фуриозно тргна во одбрана на титулата во Премиер Лигата совладувајќи ги противницте без вистински потешкотии. Но во последните три кола “сините“ зарибаа откако претрпаа два порази и еднаш ремизираа а лидерската позиција му ја препуштија на ривалот Манчестер Јунајтед. Челси шансата за рехабилитација во 16-то коло ќе ја има на свое тло против незгодниот Евертон.
Двојки :
16:00ч Арсенал – Фулам, Бирмингем – Тотенхем, Блекбурн – Вулверхемтон, Челси – Евертон, Мен Сити – Болтон, Виган – Стоук, Блекпул – Мен Ју (одложено)
Недела
14:30ч ВБА – Њукасл
17:00ч Сандерленд – Вест Хем
Понеделник
21:00ч Ливерпул – Астон Вила
Табела: Мен Ју 31, Челси 29, Арсенал 29, Мен Сити 26, Тотенхем 25, Болтон 23. . .
Мх.П.
