Единствениот лет кој беше планиран денеска од аеродромот “Св. Апостол Павле“ на линијата Охрид – Цирих е откажан поради облакот од вулканот во Исланд кој стигна до Балканот.
Авионот кој требаше да оперира на летот Охрид – Цирих, на аеродромот „Св. Апостол Павле“ во Охрид требаше да пристигне од Дубровник, но поради забраната за летови во Хрватска заради вулканскит облак кој го прекри небото над оваа земја, истиот е откажан, не информираа од охридскиот аеродром.
Поради ширењето на вулканскиот облак над Европа откажани се летовите од аеродромот во Скопје кон Будимпешта, Цирих, Виена, Љубљана, Подгорица и Дизелдорф.
Поради проблемите во авиосообраќајот неизвесно е и патувањето на претседателот Ѓорѓе Иванов за Полска, каде тој утре треба да присуствува на погребот на полскиот претседател Лех Качински.
OhridNews
