Деновиве реиздадена е песната „Remember This Kiss“ што заеднички пред 5 години ја направија Матт Sanchez и орхиѓанецот Никола Тони. Песната ги има сите авторски права под издавчката кука „Matt Music“, а за освежениот звук се потрудија Јовица Каралиевски, Зоран Кречо, Наум Долоски и Бојан Угриновски. Во песната се додадени гитари, а како таа звучи во редизајнирано издание, може да слушнете на следниот ЛИНК.
Никола Тони е познат македонски тапанар, музички селектор, Ди Џеј и уметник. Роден во Охрид. Со неполни 20 години станува член на групата Дамар, каде тропа тапани. Првиот албум го издава со групата Вентолин. Од 2001 неговото интересирање се проширува како музички селектор каде е познат под името Prle Оn Way. Работи со најдобрите aндергроунд кругови низ цела Македонија. Никола Тони почнува се повеќе да се интересира за хаус музиката и од 2005 година почнува да ја пушта по македонските клубови, а подоцна ги вметнyва и своите тапани во настапите, со што на публиката и приредува Live Performance, по што станува познат. Во 2012 заедно со шпанскиот продуцент Dany Cohiba ја снима песната Lose Control, а ја издава издавачката куќа Carlo Cavalli Music Group. Има соработа и со многу други издавачки куќи како Lotus Flowers Publishing, Urban Vibes Records, Matt Music, Rack Records Music, Digital Room Records, Bembe Recordings, 2Seconds Records.
OhridNews
