Спојот на искуство, професионализам, врвни услуги и општествена одговорност, преточени во заеднички проекти кои успешно ги реализираат веќе осум години, се заштитен знак на соработката на Стоматолошкиот центар „Д-р Баткоски“ и аптеки „Виа Фарм“, во функција на грижа за здравјето на граѓаните во Охридско-струшкиот регион.
Стоматолошкиот центар „Д-р Баткоски“ постои од 2003, а аптеки „Виа Фарм“ од 2007 година. На 28 јануари 2012 година, пак, започна нивната заедничка успешна приказна.
Модернaта опрема и медицинска апаратура од најновата генерација, ласерски системи за безболен третман, рентген и компјутерска техника за прецизна дијагностика, изведувањето сложени стоматолошки зафати, примена на иновативни методи во работата и професионални естетски третмани, го издвојуваат стоматолошкиот центар „Д-р Баткоски“ од конкуренцијата.
Стоматолошкиот центар Д-р Баткоски, кој е лидер во развојот на денталниот туризам кај нас, е првиот сертифициран и лиценциран центар за импланти кој од неодамна може да се пофали и со соработката со „Дитрон Интернационал“. За таа цел стоматолошкиот центар е побогат за уште една современа орално хируршка и имплантолошка сала која ги задоволува светските стандарди за ергономичност, функционалност и стерилност и соодветен кадар кој е обучен за работа со „Дитрон“ имплантите. Со проширувањето на листата на задоволни клиенти во Италија, од неодамна, Стоматолошкиот центар „Д-р Баткоски“, ја потврдува лидерската позиција и во развојот на денталниот туризам во регионот, кој зема се поголем замав.
„Виа Фарм“, пак, во Охридско-струшкиот регион е лидер во областа на фармацијата, но и повеќе од тоа.
Аптеки „Виа Фарм“ ги следат современите текови. Од печат неодамна излезе 16 број на специјализираниот магазин за здравје и современ живот „Наше здравје“ во издание на аптеки „Виа Фарм“, во соработка со стоматолошкиот центар „Д-р Баткоски“, специјалната очна болница „Деница“ и ресторан „Виа Игнација“. Своите искуства и знаење тие несебично ги споделуваат заедно со еминентни имиња од областа на медицината, на четириесеттина страници исполнети со корисни совети и едукативни текстови.
Оваа година ланецот аптеки „Виа Фарм“ се прошири и е побогат за три нови аптеки во Охрид и Струга.
Стоматолошкиот центар „Д-р Баткоски“ и аптеки „Виа Фарм“ се препознатливи во јавноста и по бројните општествено корисни проекти. Од неодамна започна со функција целосно новиот веб сајт на кој можете да закажете бесплатни консултации како и да ги видите услугите кои ги нуди стоматолошкиот центар. Најновите информации од работата на Стоматолошкиот центар „Д-р Баткоски“ и аптеки „Виа Фарм“ редовно се присутни и на социјалните мрежи.
Менаџерските тимови на Стоматолошкиот центар „Д-р Баткоски“ кои успешно соработуваат веќе осум години, најавуваат нови заеднички проекти и во иднина, во функција на подобро здравје на клиентите и воопшто на граѓаните од регионот.
OhridNews
