Денеска се навршуваат 8 години од смртта на познатиот спортски работник и легенда на охридската и македонската атлетика Влатко Димитров.
Димитров како тренер на АК Охрид создаде плејада врвни атлетичари кои остварија забележителни резултати на домашните и меѓународни натпревари, освојувајќи бројни медали и признанија.
Долго време Димитров беше дел од Атлетската федерација и Атлетската репрезентација на Македонија.
За својата пожртвувана работа и резултатите во спортот тој и АК Охрид се добитници на бројни општествени награди и признанија.
Влатко Димитров долги години беше професор по физичка култура несебично пренесувајќи ги знаењето и љубовта кон спортот на генерации млади охриѓани.
Г.М.
