Околу 400 охриѓанки денеска маршираа низ центарот  на Охрид, со цел да  обележат 100 години од  прогласувањето на 8 март, како Меѓународен ден на жената. Маршот беше во организација на Локалниот клуб на жени при ОО на СДСМ од Охрид, и беше насловен како „110 години борба-за 4 години 110 чекори назад“.Маршот започна точно во пет минути до 12, од пред седиштето на ОО на СДСМ и помина  по кејот, ул.„Кузман Јосифовски Питу“, ул. „Димитар Влахов“, плоштадот кај Чинарот, чаршијата и ќе заврши на Градскиот плоштад.


– Оваа година обележуваме еден јубилеј, многу значаен за жените, но и за општеството во целина. Во далечната 1910г. на Конгресот на Меѓународната конференција на жената одржан во Копенхаген, на предлог на Клара Цеткин, донесена е одлука за прогласување на Меѓународен ден на жената. Симболиката на овој празник требало да биде актуелизирање на барањата за подобрување на нивниот социјално – политички статус во општеството.  Благодарение на таа одлука денес жените ги уживаат човековите права. Благодарение на таа одлука веке од наредните години, во календарот на  светските празници се внесува 8-ми Март, како мегународен ден на жената. –рече во своето обраќање г-ѓа Лидија Стојановиќ, претседател на Локалниот клуб на жени на СДСМ-Охрид.


Таа нагласи дека од тогаш па наваму не е  постигнато многу за да се подобрување на статусот на жените и  години наназад на 8-ми март се слават  само  успесите на претходничките, а за правата на жените се говори само на овој празник.

– Овој датум е да се потсетиме на историјата и на вековнита борба за се она што ние денес го уживаме. Овој датум е вистински момент да направиме просек на се она што сме постигнале и да направиме план за нашите идни предизвици на полето на унапредување на нашите права и пред се за почитување и зачувување на веќе стекнатите.-нагласи Стојановиќ, набројувајќи ги сите пропусти во македонската законска регулатива, поради кои  жените не ги уживаат сите права на современото општество.

E.E.