Осмо издание на уникатниот музички настан „Вино и Џез“ со Владимир Четкар

Охридскиот музички бисер, светски познатиот џез и фанк изведувач Владимир Четкар и неговиот извонреден бенд составен од врвни музички уметници, на 29 јули, сабота, ќе го одржи концертот „Вино и Џез“ во прекрасниот амбиент на „Monastery winery“ во Опеница. Ќе биде тоа осмо издание на овој уникатен музички настан во период кога Охрид е бомбардиран со разно разна понуда која во голема мера се граничи со добриот вкус. Причина повеќе да се „избега“ во природа и да се поддржат вистинските културни вредности.

До волшебниот традиционален настан „Вино и Џез“ останаа уште неколку дена, но и уште малку слободни места, велат организаторите.

Со нетрпение ве очекуваме на 29 јули, сабота, на еден од најубавите музички настани во Македонија и пошироко. – порача во видео порака до фановите Владимир Четкар.

Винаријата „Monastery Winery“ се наоѓа во село Опеница, на 10 километри од Охрид.

Цена на карта за екслузивниот концерт на Владимир Четкар „Вино и Џез“ е 1000 денари. Вратите се отвараат во 18:00, а концерот почнува во 20:00. Посетителите ги очекува гратис чаша вино по избор.

OhridNews