Организацијата на Црвен крст Зеволде- Холандија која подолг период активно соработува со општинскиот Црвен крст, ќе донира специјално возило наменето за интервенции на тимовите за прва помош на Црвен крст Охрид при несреќи и транспорт на повредени. Возилото ќе се користи и за поддршка на делувањето на Единицата за безбедност на вода и Единицата за спасување на планина и непристапни терени.
Како резултат на соработката меѓу двете организации деновиве во работна посета на Црвен крст Охрид ќе претстојуваат тимови на инструктори и тренери по прва помош од Црвен крст Зеволде и Националниот здравствен сервис на Холандија, кои со тимовите за спасување на вода и спасување на планина и непристапни терени и тимовите за прва помош на Црвен крст Охрид ќе реализираат заеднички обуки за укажување прва помош.
OhridNews
