Општина Охрид ги објави конкурсите за доделување на стипендии за учениците од основните и средните училишта и студентските стипендии.
Општина Охрид за учебната 2024/2025 година ќе додели стипендии на ученици од основните училишта во општина Охрид и тоа:
• стипендии за талентирани ученици од IV, V, VI, VII,VIII и IХ одделение од основни училишта во општина Охрид;
• стипендии за ученици кои живеат во потешки социјални услови – (ученици кои потекнуваат од семејства каде има невработени родители, самохран родител/старател, од семејства кои остваруваат ниски месечни примања или пак се социјални случаи (приматели на еднократна или постојана парична помош) од VI, VII,VIII и IХ одделение од општинските основни училишта.
Висината на стипендијата ќе изнесува 2.000,00 денари месечно за 9 (девет) месеци, во текот на учебната 2024/2025 година. Повеќе информации на линкот.
Општина Охрид за учебната 2024/2025 година ќе додели стипендии и на ученици од средни училишта и тоа:
• стипендии за талентирани ученици од I, II, III и IV година од средните училишта во општина Охрид;
• стипендии за ученици кои живеат во потешки социјални услови – (ученици кои потекнуваат од семејства каде има невработени родители, самохран родител – старател, од семејства кои остваруваат ниски месечни примања или пак се социјални случаи – приматели на еднократна или постојана парична помош) од I, II,III и IV година од средни училишта.
Висината на стипендијата ќе изнесува 2.000,00 денари месечно за 9 (девет) месеци во текот на учебната 2024/2025 година. Повеќе информации на линкот.
Општина Охрид ќе додели студентски стипендии за редовни студенти на додипломски студии во I година од Охрид, кои студираат на државните универзитети во РМ, за академската 2024/2025 година, кои живеат во потешки социјални услови и стипендии за редовни студенти на додипломски студии во I година од општина Охрид, кои студираат на државни универзитети во други земји, за академската 2024/2025 година, кои живеат во потешки социјални услови.
Висината на стипендијата ќе изнесува 3.000,00 денари месечно за 9 (девет) месеци во текот на академската 2024/2025 година. Повеќе информации на линкот.
Потребните документи кандидатите треба да ги достават 20 дена од денот на објавување на конкурсите.
OhridNews
