Во своето обраќање на трибината Петрески се осврна на потенцијалите со кои располага охридскиот регион за развој на планинскиот туризам, при што ја истакна одличната соработка со Црвен крст Охрид, во чии рамки делуваат лиценцирани водичи во планина кои се еден од најважните сегменти за ефикасен и безбеден планински туризам.
– Токму и објектот каде се одржува семинарот и трибината за развој на планинскиот туризам, најповеќе содејствува со активностите на Црвен крст Охрид, како во делот на безбедноста на планина, така и во превентинвото делување и едукацијата на младите и затоа општина Охрид ќе го даде на стопанисување Домот на култура во с.Велстово на Црвен крст Охрид, истакна Петрески.
Градоначалникот на Охрид од Македонската асоцијација на планински водичи доби признание за особен придонес во унапредување на планинскиот туризам и поддршка на професионалните водичи, а вакво признание му беше врачено и на Yves Fouqe – експерт од Франција.
