Општина Охрид дава јавна поддршка на Законот за јавна чистота преку големата акција ” Заедно сите за чиста и Европска Македонија” што ќе се реализира  на 21-ви септември годинава.
       
Општината ги повикува граѓаните, институциите, стопанските субјекти и граѓанските организации да земат учество  во програмата за чистење на животната средина.
       
Чистењето ќе се одвива на потегот од Подмолје до Охрид,  од “Билјанини Извори” до манастирскиот комплекс “Свети Наум” , од градските гробишта до Буково и  во границите на Националниот парк “Галичица”.  
       
Општината за сите кои ќе се вклучат во акцијата ќе организира и превоз од булеварот “Туристичка” наспроти маркетот “Макси Д”, од кај новата автобуска  и од пред “Охридска банка ” кај градскиот пазар. Автобусите ќе поаѓаат од овие локации почнувајќи од 9 часот и 30 минути, на секои половина час, до 11 часот.

Ohridnews