Нападите врз општинската администрација и градоначалникот изнесени од пратеникот на ВМРО ДПМНЕ, Цветко Грозданов, на прес конференција неодамна, се неосновани, смета локалната самоуправа. Пратеникот Грозданов ја обвини локаланта самопуправа дека ја опструира изградбата на фудбалското игралиште во с. Лескоец, со што според него во прашање се доведува реалзицијата на проектот.
Во официјалната реакција, општинската администрација посочува дека градските власти ги преземаат сите потребни активности за реализација на проектот.
„Пратеникот Грозданов ја знае добро и е во тек со целата постапка, дека не само што нема “кочење“ од страна на градоначалнкот и службите, туку и тие се заинтересирани и се ангажираат за побрзо решавање на формалностите околу издавање на потребните дозволи и согласности. Потврда за тона е дека иаку тоа не е нивна обврска, службите на Секторот за урбанизам и комунални дејности се ангажираат во Катастарот (државна, а не општинска институцја) да се забрза постапката за спроведување на решенијата за експропријација на дел од парцелата каде е проектирано игралиштето“, стои во реакцијата на локалната самоуправа.
