Компјутерски томограф, шест ехоапарати, меѓу кои и за испитување на тироидна жлезда, над сто медицински кревети- се само дел од опремата која наскоро ќе пристигне во охридската Општа болница.
Станува збор за добиена донација во вредност од 500. 000 долари од страна на една од најголемите светски донаторски организации за земјите во транзиција, америчката државна Асоцијација ” Ворлд медикал” со седиште во Детроит.
“ Пред шест месеци изработивме проект и аплициравме за добивање медицинска опрема, не постара од две години, што за наши услови е исклучително добра и современа опрема која ќе биде наменета за потребите во Одделението за хирургија, анестезиологија, педијатрија, ушното одделение”, вели потпаролот на Општата болница, д- р Сашо Василески.
Периодот на набавка на опремата ќе се совпадне со предвидената реконструкција на болницата која ќе започне во месец септември.
Т. К.
