Денеска со почеток во 19 часот, во охридскиот хотел “Ривиера”, преставниците на Опозицискиот фронт во Република Македонија,  ќе одржат трибина, на која ќе се дебатира за актуелните политички случувања во државата. На трибината ќе говорат Генералниот секретар на СДСМ, Андреј Петров, Ѓорѓи Оровчанец и Стојан Андов.

Опозицискиот фронт го предводи  најголемата опозициска партија СДСМ, а на платформата за заедничко опозициско дејствување, свој потпис имаат ставено и лидерите на НСДП, ЛП, Нова алтернатива, Партија на слободни демократи, Движење за национално единство на Турците, Демократскиот сојуз на Власите, Сојузот на титови леви сили, Партијата на пезионери, Граѓанско-либералната партија, Зелена партија и Прогресивна партија.


Платформата на опозицискиот фронт, предвидува заедничко промовирање на евроатлантските интеграции,  заедничко работење и понуда на алтернативни предлози и решенија за излез од економскиот пустош, спротивставување на владината политика што создава меѓуверска и меѓуетничка поделба и битка против сите обиди за задушување на демократијата и на притисоците и партизацијата на институциите и на медиумите.

OhridNews