Опозицијата во градскиот Совет смета дека буџетот на општината е нереален и доколку не се изврши ребаланс, тој нема да може да се реализира. Советниците од ВМРО ДПМНЕ, искажаа сериозни забелешки на реалиацијата на буџетот во првиот квартал од годината, кој според нив целосно бил ставен во функција на изборите. Мнозинството во Советот не ги прифати ваквите забелешки и со 13 гласа за и 8 воздржани го усвои извештајот за реализација на буџетот во првото тромесечије.
Советниците од ВМРО ДПМНЕ имаа забелешка и на предложениот состав на управните и наздзорните одбори на јавните претпријатија, во кои според нив имало многу партиски и роднински врски. Персоналниот состав на контролните органи на јавните претпријатија доби зелено светло од мнозинството.
Советниците упатија критики за извештајот на Секторот за туризам и локален економски развој, кој како што беше кажано не ги содржел сите потребни податоци за реализираните активности, а забешешки имаше и за летниот режим на сообраќај, кој на сила стапува на 1 јули.
На третата седница на Советот што се одржа денеска на дневен ред беа вкупно 25 точки, меѓу кои и одлуката за донесување Детален Урбанстички План за урбана заедница 1 урбан блок 1.3 опфат 1 2007-2012 година за просторот кај градското пазариште која беше донесена едногласно.
