Како што информираат од Фондот за комунален развој и патишта, пред два дена бил извршен увид од страна на градежен инспектор, при што биле евидентирани оштетувањата.
– Поради настанатото раздвојување, при движење на тешки товарни возила или автобуси, може да се случат и поголеми оштетувања на коловозот и тротоарот и би можело да дојде до несакани последици. Затоа, како превентивна мерка се одлучивме времено да затвориме дел од коловозот, вели Зоран Шикалески, од Фондот за комунален развој и патишта.
Инаку, од вчера, на потегот од пресекот на Јане Сандански со улицата Галичица кон раскрсницата, една коловозна лента е затворена за сообраќај. Според исцртаната хоризонтална сигнализација, возилата треба да го користат делот од улицата кој досега служеше како паркинг простор за такси возилата.
