Втората фаворитка за златниот медал на Олимпискиот тениски турнир во Токио, Наоми Осака е елиминирана уште во осминафиналната рунда. Јапонката утрово загуби од чешката тенисерка Маркета Вондрушова со 1:6 и 4:6.
Ова е четврта победа во кариерата за Вондрушова над ривалка од Топ 10.
Осака денес направи 32 неизнудени грешки и првпат по Австралија опен 2020 загуби порано од четвртфиналето.
- Пинк ќе ја плати казната на норвешките ракометарки кои одбија да играат во бикини
Американската поп-панк пејачка Пинк изјави дека е подготвена и сака да ја плати казната на женската ракометна репрезентација на Норвешка, која одби да игра во бикини. На Твитер, пејачката ја обвини Европската ракометна федерација за сексизам.
„Горда сум на норвешките ракометарки кои протестираа против сексистичките правила што важат за нивните тимови. Европската ракометна федерација треба да биде казнета за сексизам. Одлична работа, девојки! Јас ќе бидам среќна да Ви ја платам казната”, напиша Пинк.
Претходно беше соопштено дека ракометарките на плажа во Норвешка се казнети затоа што одбиле да се натпреваруваат во бикини, за третото место на Европското првенство.
Норвешките ракометарки притоа упатија повик до федерацијата да им биде дозволено да се натпреваруваат во кратки панталони. Но, не добија одговор на нивното барање.
OhridNews
