Охридските спортисти се` далеку од можноста да бидат дел од ОИ 2012 година во Лондон, откако ниту еден не се најде на листата на Македонскиот олимписки комитет (МОК) кој потпиша договор за финансирање на програмите на 10 врвни македонски спортисти од кои се очекува да реализираат норми за Олимписките игри Лондон 2012.


Македонските олимписки кандидати во предолимписката година ќе имаат
материјална помош што е обезбедена од меѓународните олимписки фондови.

Според договорите, Атанас Николовски, кајак на диви води, ќе добива по
1.100 американски долари, а понатаму следуваат боксерот Примислав
Димовски (800 долари), борачите Дејан Богданов, Дејан Митров (по 700)
боксерот Вели Мумин (700), триатлонецот Стојан Поповски и пливачите
Марко Блажевски, Симона Маринова и стрелачката Надица Апостоловска (ќе
добиваат по 600 долари) и џудистот Ванчо Сарафов (500 долари).

Од МОК се верува во нашите спортисти и во нивните потенцијали и силно се надеваат дека врвниот македонски спорт со оваа финансиска помош, која ќе биде строго наменска, ќе успее да постигне далеку подобри резултати.

М.П.