Во репризата од минатогодишното четвртфинале охридскиот Амак СП ќе вкрсти со МЗТ Скопје.Првиот натпревар од серијата подобар од три започнува во Охрид во спортската арена “Билјанини Извори“.

– Очекувам интересни натпревари и се надевам на чиста 2-0 победа и брза елиминација на МЗТ Скопје. Добро се познаваме и нашиот квалитет ќе дојде до израз на овие натпревари– оптимистички најавува Марјан Лазовски стратетогот на охриѓани.

Во регуларниот дел од сезоната меѓусебниот размер е 2-2. “Езерџиите“ сигурно ги добиваа натпреварите во Охрид, додека во двата натпревари во Скопје победата им се лизнуваше во последниот период. Евидентни се позитивните ветришта кои дуваат кај штрковите по доаѓањето на Боби Митев на нивната клупа.


– Секоја смена носи промени. “Штрковите“ се во позитивна серија од четири победи во последните пет натпревари што очигледна е промената која ја во тимот ја донесе Митев – смета Лазовски.  

За натпреварот со МЗТ, Лазовски ќе го има комплтениот ростер на располагање. Нема повредени кошаркари, а охриѓани очекуваат повторување на куп серијата. Прво елиминација на МЗТ , па Фени и освојување на првенстовото.

M.Постоловски