Одделението за илегална миграција и превенција при РЦ за ГР „Запад“ поднесе кривична пријава против З.Ш.(31) од с.Љубаништа-охридско и Б.А.(32) од Охрид за сторено кривично дело „криумчарење на мигранти“.
З.Ш. пред околу еден месец по претходен договор со државјанин на Р Албанија, организирал илегално пренесување на колумбиска државјанка преку водите на Охридското Езеро, по што истата ја засолнил во неговиот дом и се договорил со Б.А. истиот да ја земе и да ја однесе во Битола, од каде колумбиската државјанка преку Грција требало да замине во Шпанија. На 06.11.2008 година, околу 21,40 часот, на магистралниот пат Охрид-Ресен, при контрола на патничко возило, управувано од Б.А., пријавените се спречени во намерата.
извор: МВР
Ohridnews
