Лидерите во второлигашката конкуренција, ФК Охрид, во рамките на петтото коло гостуваaт кај Нов Милениум.
Ова е трета меѓусебна средба на овие екипи, а во двете досегашни пресметки охриѓани претрпеа два порази. Во Охрид 1-3, додека во Сушица беше 1-0.
Двата клуба годинава се наоѓаат на различни краеви на табелата. Охриѓани по четири одиграни кола немаат пораз и со десет бода се во врвот на табелата. Домаќините во овој меч влегуваат со еден освоен бод од досегашните четири натпревари.
Охриѓани сериозно му пристапуваат на мечот, па затоа еден ден порано ќе заминат во Струмица.
– По киксот на домашен терен против Миравци, немаме друга опција освен победа, вели првиот човек во клубот Климе Лоте.
Расположението во таборот е оптимистичко, а тоа ни го потврди капитенот Маркоски кој за Ohridnews рече дека очекува нова победа.
– Во добра атмосфера патуваме на гостувањето од кое се надеваме на триумф и продоложување на победничката гостинска серија.
Натпреварот Нов Миленуим – Охрид е единствениот второлигашки меч кој се игра во недела. Сите останати се играат во Сабота во 15.30 а се среќаваат: Новаци – Брегалница, Слога Југомагнат- Беласица, Тетекс- Локомотива, Кожув- Маџари, Дрита – Скопје, Цементарница – Шкендија, Миравци – Вардар (Н).
Табела
ТАБЕЛА
| тим | игр. | поб. | нер. | изг. | + | – | бод. | |
| Брегалница 2008 | 4 | 3 | 1 | 0 | 7 | 0 | 10 | |
| Тетекс | 4 | 3 | 1 | 0 | 5 | 1 | 10 | |
| Охрид 2004 | 4 | 3 | 1 | 0 | 7 | 4 | 10 | |
| Дрита | 4 | 3 | 0 | 1 | 7 | 4 | 9 | |
| Слога Југомагнат | 4 | 2 | 2 | 0 | 5 | 2 | 8 | |
| Цементарница 55 | 4 | 2 | 1 | 1 | 10 | 8 | 7 | |
| Маџари Солидарност | 4 | 2 | 0 | 2 | 8 | 5 | 6 | |
| Локомотива | 4 | 2 | 0 | 2 | 4 | 6 | 6 | |
| Вардар Декамел | 4 | 1 | 2 | 1 | 7 | 7 | 5 | |
| Скопје | 4 | 1 | 1 | 2 | 3 | 3 | 4 | |
| Кожув | 4 | 1 | 1 | 2 | 6 | 7 | 4 | |
| Беласица | 4 | 1 | 1 | 2 | 4 | 6 | 4 | |
| Миравци | 4 | 0 | 2 | 2 | 5 | 7 | 2 | |
| Шкендија ХБ | 4 | 0 | 2 | 2 | 4 | 7 | 2 | |
| Нов Милениум | 4 | 0 | 1 | 3 | 3 | 9 | 1 | |
| Новаци 2005 | 4 | 0 | 0 | 4 | 3 | 12 | 0 |
