Поголем број граѓани попладнево се собраа на плоштадот „Св. Климент Охридски“ во центарот на Охрид за да го поддржат протестниот собир за слободата на медиумите што го организираше А1 телевизија. Според овој национален медиум слободата на изразување е прекршена при завчерашната акција на полицијата која и асистираше на инспекциската контрола на УЈП во проверката на шест фирми сместени во објектот во кој е и седиштето на телевизијата.
Охриѓани самоиницијативно организираа и петиција за слобода на медиумите, која според нив е загрозена со полициската акција во зградата на А1.
Меѓу потписниците беше и градоначалникот на Охрид Александар Петрески кој изрзи незадоволство од како што рече примената на недемократски методи на власта врз медиумите и побара од неа да си оди.
OhridNews
