Пред бројни гости и соработници, вчеравечер, во кафе терасата „ Аквариус“ беше промовирана книгата „Фотографијата како историско сведоштво за градот Охрид во периодот 1913-1991“ од охриѓанецот Никола Митровиќ.
Книгата е поделена на два дела. Првиот е архивистички дел каде се укажуваат својствата на фотографијата и нејзиниот историски процес од првото појавување до дигиталната фотографија како неконвенционален вид на архивски запис.
– Вториот дел од книгата го опфаќа историскиот период од 1913 до 1991 година во кој фотографијата се обидувам да ја прикажам како носечки запис, на историските настани и луѓе, вели авторот.
Книгата е работена во периодот од 2005 до 2007 година, во соработка со голем број фамилии од Охрид кои свесно се негуватели на старата фотографија- семејна и пејсажна.
– Тука би ги споменал Владимир Тунте, фамилиите Треневи, Паунче, Јагода Видеска и многу други. Се надевам дека оваа книга ќе наиде на голем интерес кај читателите, вели Митровиќ.
Книгата „Фотографијата како историско сведоштво за градот Охрид во периодот 1913-1991“ е дел е од трилогијата ветена на градот Охрид. Првиот дел, беше одржаната изложба на фотографии во 2013 насловена „ Охрид понапред“, вториот дел е оваа книга, а авторот најавува и драма која ќе биде сведоштво за вистински настан во Охрид.
OhridNews
