Младиот охриѓанец Мартин Милески (18) кој свири гитара, деновиве на YouTube објави cover-преработка на хитот „See You Again“ од Wiz Khalifa.
-Ова е веќе моја четврта преработка на песни од еден мини-проект кој што неодамна го започнав. Целокупната реализација е изработена со огромна доза не емоции, љубов и ентузијазам бидејќи истата е посветена на мојата почината мајка, па така секогаш кога ќе ја слушнам оваа песна во мене се навраќаат сите убави нешта од минатото за кои сум благодарен, па може да се каже дека со оваа исклучително емотивна изведба на еден начин се заблагодарувам за сите нешта кои мајка ми ги правеше за мене, вели Милески.
Тој искажа благодaрност до Влатко Дојчиноски кој ја помогнал видео-монтажата на материјалот.
OhridNews
