Охриѓанецот Дамјан Пејчиноски настапува на „Guitar Idol“ во Лондон

Охриѓанецот Дамјан Пејчиноски викендов ќе настапи на големото музичко шоу „Guitar Idol“ во Лондон кое годинава се одржува по втор пат.

Дамјан е еден од дванаесетте финалисти кои беа избрани во конкуренција на илјадници неафирмирани гитаристи од целиот свет. Пејчиноски е првиот учесник од Македонија, а втор од Балканот, на гитарското музичко шоу.

Дамјан Пејчиноски, важи за еден од најталентираните млади гитаристи во Македонија, Роден на 25 октомври 1984 година во Охрид, а гитара свири од својата 6-та година. Во 2002 година беше прогласен за најдобар гитарист во Македонија, а многумина го сметаат за наследник на легендарниот Влатко Стефановски.