Писателот Иван Трпоски е прогласен за заслужен граѓанин на општината Кантебери – Австралија за особен придонес во областа на културата. Трпоски, кој инаку потекнува од охридско, наградата ја прими на 22 јануари на свеченоста по повод Денот на Австралија. Му ја врачил лично градоначалникот на општината Роберт Фуроло.

Иван Трпоски  минатата година во австралиската држава Нов Јужен Велс беше номиниран за  животно дело за својата неуморна добротворна работа во македонската библиотека „Григор Прличев“ во Сиднеј.


Иван Трпоски е познат писател кој повеќе од триесет години твори во Австралија.  Роден е во с. Волино, охридско, а повеќе од 40 години живее во Сиднеј. Трпоски  е архивар и библиотекар во библиотеката „Григор Прличев“ и е еден од најиздаваните македонски писатели од дијаспората. Автор е на десет книги поезија и четири книги со патописи и записи.
 
За својата работа во полето на литературата и културата  повеќе пати бил наградуван. Добитник е на наградата „Иселеничка Грамота“ на Струшките вечери на поезијата и  на признанието „Македонско сонце“  во Сиднеј.

Душан Ристевски
Горан Момироски