Последните мерења на водостојот на Охридското Езеро спроведени попладнево покажуваат дека нивото на езерото е 22 сантиметри над горната утврдена граница, односно на котата 693,97 метри надморска височина, што е 4 сантиметри пониско отколку максимумот регисриран на крајот од минатата седмица.
Министерството за транспорт и врски соопшти дека забележан е значителен тренд на опаѓање на водостојот на
реките во сливот на Охридското Езеро. Водостојот на Сатеска во
споредба со вчера е опаднат на 58 од 65 сантиметри, додека Коселска
Река од 57 на 55 сантиметри. Од Охридското Езеро во Црн Дрим од испустот кај Струга се испуштаат 68 метри кубни во секунда.
Според
временската прогноза на Управата за хидрометеоролошки работи, во текот на утрешниот ден како и наредните денови до крајот на седмицата не се предвидуваат врнежи од дожд, така што се очекува трендот на опаѓање на водостојот на Охридското Езеро да продолжи со истиот интензитет.
OhridNews
