Охридското Езеро влезе во официјална конкуренција за избор на нови светски чуда на природата што ја спроведува интернационална асоцијација. Покрај Охридското Езеро во избор ќе влезат и Пелистерски очи и пештерите Врело кај Матка. Трите природни убавини ќе конкурираат за чуда на природата на предлог на Македонскиот комитет за номинација кој е поддржан од Министерството за економија.
На интернет страницата на светскиот избор на нови седум чуда (new7wonders.com) веќе може да гласате за Охридското Езеро, кое за еден ден доби речиси триста гласови.
Сега се зависи од македонските граѓани кои треба што помасовно да го дадат својот глас за нашите природни убавини до 31-ви декември оваа година, кога завршува гласањето. Охридското Eзеро ќе влезе во потесна конкуренција за избор на нови седум светски чуда на природата само доколку се пласира во првите 77 предлози. Затоа народе навали !
ГЛАСАЈ ЗА ОХРИДСКОТО ЕЗЕРО
ohridnews
