Фестивалот “Охридско лето ” се закити со уште едно големо признание од државниот универзитет “Свети Кирил и Методиј”. Признаието доаѓа како резултат на поддршката на сите културни збиднувања што ги организира универзитетот.
Соработката се продлабочи со прогласувањето на маестро Зубин Мехта за почесен доктор на науки во областа на музичката уметност на универзитетот, но и со поддршката на Семинарот за македонски јазик, литература и култура.
” Всушност ние им даваме поддршка на сите настани од областа на културата што ги организира универзитетот, а соработуваме и со многу други културни институции зашто нашата цел е да го збогатиме културниот живот во Охрид и во државава“, изјави за Ohridnews, директорот на фестивалот “Охридско лето “, Тони Симоновски.
“Меѓу другото, вели Симоновски, дадовме несебична поддршка на семинарот за балет што се одржа пред годинешното фестивалско издание, како и на мастер-класата на професорот Борис Романов.
Ohridnews
