Охридските теквондисти ги засенија црните појаси во БиХ (видео)

На 6 и 7 октомври во Добој, Босна и Херцеговина се одржа еден од поквалитетните А класа Теквондо ИТФ турнири на Балканов. На турнирот помеѓу 350-те натпреварувачи од 28 клубови од 7 земји беше охридскиот „Хва Ранг ИТФ“ кој настапи со осум теквондисти во две дисциплини форми и борби поединечно.

Сите натпреварувачи се вратија со медали, а пет борци успеаја да освојат две одличја што го направи охридскиот клуб еден од поуспешните на престижниот турнир.

– Иако бевме некомплетни поради обврски на дечињата на училиште можеме да се пофалиме дека нашите натпреварувачи блеснаа и нам и Македонија не преставија во одлично издание. Во борбите со далеку поквалитетните противници покажаа извондредна техника, борбеност и шампионски дух што нас ни преставуваше вистинско задоволство. – изјави Марјанчо Лазаревски.

Од клубот му изразуваат голема благодарност до генералниот спонзор ПН Метал кој одново се погрижи за учеството на ултра квалитетниот турнир во Добој.

Освојувачи на медали:   

Елена Јанеска:
1 место –злато борби -50 кг кадетки 11-13 години
1 место –злато форми жолт појас кадетки 11-13 години

Антонио Јанески:
1 место –злато борби -60 кг јуниори  14-15 години
2 место –сребро форми зелен појас јуниори  14-15 години

Стефан Каланоски:
2 место –сребро борби -57кг јуниори  16-17 години
1 место –злато форми зелен појас јуниори  16-17 години

Божидар Димитриевиќ:
2 место –сребро борби  + 65 кг јуниори  14-15 години
2 место –сребро форми плав  појас јуниори  14-15 години

Јане Димов:
3 место –бронза борби + 75 кг јуниори  16-17 години
1 место –злато форми зелен појас јуниори  16-17 години

Марио Крстески:
1 место –злато борби -45 кг кадети 11-13 години

Давид Крстески:
3 место –бронза борби -40 кг кадети 11-13 години

Филип Трифуноски:
3 место –бронза борби +60 кг кадети 11-13 години

OhridNews