Во седмата рунда од Супер лигата охридските ракометари ги очекува гостување во Радовиш кај истоимената екипа. Две сезони двата тима водеа жестока битка во Првата лига каде се сретнаа четири пати, а исходот е изедначен по две победи.
Бодовите од овие дуели секогаш останувале кај домаќинот, покрај што играле неизвесни мечеви до самиот крај. Сезонава охридскиот состав се засили на неколку позиции и сериозно пристапи на предизвиците во Супер лигата.
Охриѓани не знаат за победа на гостински терен сезонава додека сосема друга приказна е на домашен терен каде ги мелат своите предизвици.
Во двете гостувања ракометарите на Охрид играа против квалитетни противници, а дуелот со Радовиш е вистински испит за квалитетот на избраниците од Горан Андоновски.
Досегашни натпревари меѓу Охрид и Радовиш :
Сезона 2011/2012
Радовиш – Охрид 28-24
Охрид – Радовиш 22-21
Сезона 2012/2013
Радовиш – Охрид 25-20
Охрид – Радовиш 31-26
Мх.П.
