Нуркачите од Клубот за подводни активности „Охрид“ и членовите на Нуркачкиот центар АМФОРА, и годинава традиционално ќе ја накитат новогодишната елка во водите на Охридското Езеро.
Елката во недела ќе биде поставена на длабочина од неколку метри кај археолошкиот локалитетот Плоча Миќов Град во Градиште. Ќе биде декорирана со специјални лампиони и други новогодишни украси.
Ова е шеста година по ред како охридските нуркачи ќе украсуваат подводна елка, а целта е како што велат, традицијата во иднина да прерасне во поголема туристичка атракција со прослава на Новата година под вода.
Г.М.
