Сопствениците на патничките бродови кои пловат на Охридското Езеро поднеле барања за добивање сертификат за пловидба до овластениот бродски регистар за Македонија, меѓународна групација „Биро Веритас“, соопшти Капетанијата на пристаништа – Охрид.
Согласно прописите „Биро Веритас“ најпрвин треба да изврши технички преглед на бродовите, од што ќе зависи и издавањето на сертификатите за пловидба.
Неодамна на бродот „Галеб“ му беше издадена времена дозвола за пловидба со важност до крајот на октомври. Сопствениците на другите бродови кои се уште се закотвени на градското пристаниште бараат да имаат еднаков третман и да им се овозможи и нив да пловат во сезоната на конгреси и семинари, за барем малку да ги ублажат последиците од забраната за пловидба што беше воведена на 17-ти јули.
