Како актуелни проблеми на локалната заедница, со чие решавање ќе се обезбеди поголема безбедост во Охрид, Советот за превенција ги има лоцирано: Прашањата сврзани со дрогата и справување со зависноста од дрога; Алкохолизмот и малолетничката деликвенција; точење алкохол на младата популација; Питачењето како негативна појава; Борба против недоличното однесување ( пишувањето графити и појави казниви според Законот за јавна чистота); Појавата на кучиња – скитници како опасност по граѓаните и извор на болести; Борба против асоцијалните појави во основните и средни училишта; Преземање мерки против сопствениците на угостителски објекти кои овозможуваат присуство во локалите на малолетници по 24 часот и точење алкохол на малолетници.
Советот за превенција се конституираше врз основа на новите одредби во Законот за Полиција и Законот за локална самоуправа. Според пропишаното, во составот на ова тело членуваат Градоначалникот на општината, Командирот на локалната ПС од општа намена, Судија од основниот Суд, Јавен обвинител, како и претставници на државни институции, верски заедници, општинското ЈП задолжено за јавната хигиена,Инспекторатот, НВО и локални медиуми.
