Спортските риболовци предлагаат да се забрани влегување на пловни објекти со моторен погон , кој , спорд нив, ја уништуваат целокупната флора и фауна во каналот. Тие сметаат дека од каналот треба да се остранат сите сите пловни објекти, затоа што сега тој наликува на отпад за пловни објекти.
– Каналот треба да се продлабочи, да се дислоцираат армијата и полицијата и на крајбрежниот дел да му се дадат нови содржини кои би биле туристичка атракција, со што овој засега деградиран простор може да стане поатрактивен од кејот на Црн Дрим во Струга. Во каналот да биде дозволено пловење на неколку копии од стари охридски чунови кои ќе ги превезуваат туристите од пристаниште до Билјанини извори, пратени од музичари со староградска охридска музика, вели Радован Димитриевски, претседател на СРД “Св Апостол Петар“.
Охридскиот канал да биде како Црн Дрим
Според него доколку под итно не се преземе нешто да се заштити каналот од големиот број на пловни објекти кои го “нападнаа“ и оваа година, неизбежна е нова еколошка катастрофа . Многубројните пловни објекти од минатата година придонесоа дното на каналот да нема никаква вегетација а плашицата за прв пат после милиони години да не влезе да зимува во каналот, додава Димитриевски.
