Со песната „Truck & Roll“ охридскиот хард-рок состав „The Backdoor Band“ влезе во финалето на светскиот музички натпревар во организација на www.globalrockstar.com.
На ова он-лајн натправарување учествуваа претставници од 196 држави, а по неколку елиминациони кругови, само 16 бендови се натпреваруваат во финалниот дел.
Гласањето во финалето ќе трае до 20-ти декември 2014 година кога ќе биде прогласен победникот. За да гласате за „The Backdoor Band“ треба да одете на овој линк: https://www.globalrockstar.com/arena .
-Се логирате преку Facebook или e-mail, па во арената гласате за рандом дуели и давате глас за тие што имаат помалку поени се додека не стигнете до нашето видео и понатаму не треба да гласате, за да не им се дава глас на останатите конкуренти. За нас пожелно е да гласате и од Facebook и од Twitter, а се гласа на секои 24 часа. Доволно е да одвоите 2-3 минути во денот и да го дадете својот глас за македонскиот претставник во финалето на ова светско натпреварување, велат момците од групата.
Главната награда за победникот на овој натпревар изнесува 25.000 долари, а за второто и третото место се доделува вредна опрема од познатиот бренд АKG.
OhridNews
