Охридскиот договор е основа на стабилноста на Македонија

Охридскиот договор е основа за мирот и стабилноста на Македонија, а пак стабилноста и интегритетот на Македонија се  клучни за стабилноста на целиот регион, истакна албанскиот премиер Сали Бериша по средбата со заменик премиерот на Владата на Република Македонија Абдулаким Адеми, што вчера се одржа во Тирана.

– За Албанија, за Албанците и за регионот, мирот, стабилноста и интегритетот на Македонија се од една приоритетна важност и од суштински интерес, истакнал Бериша, нагласувајќи дека Албанија ги поддржува стабилноста и интегрирањето на Република Македонија во евроатланските структури.

Според вицепремиерот Адеми ,Охридскиот договор  ги ставил основите  на  заедничката  држава  во која секој граѓанин  ќе има еднакви права. Тој се заблагодари на поддршката што Албанија и ја дава на Македонија во процесот на интегрирање на земјата во НАТО, потенцирајќи дека само мирот и стабилноста е единствен пат кој гарантира евро-атлантска перспектива на регионот.

Вицепремиерот Адеми во Тирана учествува во дводневниот Форум „Кран Монтана“.