Охридскиот боксер Сашо Лескароски на Балканскиот турнир во Косово го освои сребрениот медал. Во финалето охриѓанецот претрпе пораз на поени 5-4 од албанскиот првак Анџело Меркохасанаја.
– Балканскиот турнир беше мошне квалитетен. Учествуваа боксери кои ги преставуваат државите на сите големи натпревари, затоа сум презадоволен од мојот пласман – истакна Лескароски.
Покрај сребрениот медал, Лескароски се закити со наградата за најборбен боксер на Балканскиот турнир во Косово.
За охридските боксери нема одмор, Сашо Лескароски и Бојан Ристески на екстра квалитетниот турнир “Странџата“ во Бугарија, ќе ги бранат боите на македонската репрезентација.
Мх.П.
