Според проект на НУ Библиотека „Григор Прличев“ од Охрид, одобрен од страна на Министерството за култура на Република Македонија, од 17 до 20 ноември во Србија ќе престојуваат писателите Тоде Илиевски и Зоран Јакимоски. Тие, меѓу другото, ќе се сретнат со претставници на Фестивалот „Змаеви детски игри“ во Нови Сад, на Меѓународниот центар на книгата за млади во Белград, но и со претставници на други институции од областа на културата.Целта на престојот во Србија е прибирање на информации и идеи, кои треба да послужат за формирање на фестивал поврзан со книгата и детето, за зачленување на Македонија во Меѓународниот совет на книгата за деца и за унапредување на издаваштвото за деца и млади, информираат од градската библиотека.
OhridNews
