Охридската компанија „ Братство Инокс“ е добитник на Best Buy наградата што се доделува од страна на швајцарската организација Icertias. Наградата е за најдобар однос на квалитет- цена во областа на производство на садови за готвење.
Индустријата за метални производи “Братство Инокс” Охрид се вбројува во редот на најреномираните компании за изработка на садови за домаќинство и прибор за јадење во Југоисточна Европа. Стратешка определба на компанијата е софистицираност и долготрајност на нејзините производи. Производите на “Братство Инокс” се изработуваат од висококвалитетни репроматеријали од западноевропско потекло.
Почетоците на фабриката се во 1949 година, по што следат години на раст и развој подимето “Братство” Охрид. Денес тоа е компанија која на пазарот настапува под трговско име “Братство Инокс” Охрид, со нова, трансформирана, приватна структура на капиталот.
OhridNews
