Охридската Гимназија со низа активности ќе го одбележи Патрониот празник

Со низа активности ОСУ „Св. Климент Охридски“ ќе го одбележи Патрониот празник на училиштето. Програмата започнува од денес кога во 17:00 часот во холот на Гимназијата ќе се одржи сввечено доделување на наградите од училишниот конкурс по повод Патрониот празник, а ќе биде отворена и изложба со ликовни творби.

Утре од 08:30 до 09:30 часот ќе се одржи драмска изведба „Одбраната на Сократ“ во организација на Активот по филозофија и дебата во организација на Дебатниот клуб при училиштето во холот на Гимназијата.

Во 10 часот предвиден е историски час, а од 19:30 часот во НУ Центар за култура „Григор Прличев“ ќе биде одржана Свечена Академија во организација на Општина Охрид и Гимназијата, по повод Патронот на Охрид и ОСУ „Св. Климент Охридски“.

OhridNews