Охридската библиотека “Григор Прличев” на почетокот на летото треба да го промовира компакт дискот “Роднокрајни автори- аудио записи”. За изготвувањето на ова цеде во кое ќе бидат опфатени десетина автори со охридско потекло, се издвоени околу 50.000 денари, во рамки на Годишната програма за културни проекти, од Министерството за Култура на Република Македонија.
-Аудио записите во суштина ќе бидат биографски белешки за самите автори, снимени во директни разговори со нив. Некои од разговорите се веќе снимени од порано, а некои треба да се реализираат сега.-објаснува Тоде Илиевски, директор на Библиотеката “Григор Прличев” во Охрид. Тој нагласува дека овие записи ќе имаат големо значење за зачувување на ликот и делото на сите охриѓани кои придонеле за афирмација на Охрид, на полето на литературата и книгоиздаваштвото.
Во роднокрајните аудио записи, ќе бидат опфатени биографиите на Миле Волканоски, Видое Видически, Стојан Ристески, Коста Фортомар, Есад Бајрам, Паско Кузман, Смиле Наумоски, Тоде Илиевски, Славе Ѓорѓо Димоски и Драган Спасески-Охридски.
Е.Е.
