Под мотото „Хуманоста на Тоше наш патоказ“, на плоштадот Св. Климент Охридски , денеска се одржа хуманитарен хепенинг со кој беа одбележани Светскиот ден на гладта и годишнината од смртта на најголемата македонска музичка ѕвезда, Тоше Проески.
По тој повод децата од предшколските установи и основните училишта изведоа повеќе музички точки и ги пееја песните на Тоше. Тие на нивните сиромашни другарчиња им делеа играчки, со што го продолжија хуманиот пат на Тоше.
Во рамки на манифестацијата што се одржа во организација на Црвениот крст од Охрид на социјално најзагрозените деца од градот им беа доделени пакети со прехранбени производи и средства за лична хигиена.
Ohridnews
