Охрид треба да рзмислува за развој на зимскиот туризам сметаат мнозинството испитаници вклучени во анкетата на OhridNews. За развој на зимскиот туризам се 80 отсто од нив, 13 проценти се против, а 7 отсто сметат дека за развој на зимски туризам треба да се размислува само врз основа на стручна анализа. Во анкетата на OhridNews, беа вклучени 3414 читатели.
Охрид, кој шпицот на туристичката сезона го доживува во лето, нема соодветна зимска понуда. Без патна и друга инфраструктура и ски центар на планината Галичица или на некоја од другите планини во околината, илузорно е да се размислува за развој на класичен зимскиот туризам, сметаат експертите. Според нив Охрид треба да изнајде начини како да ги искористи хотелско-угостителските капацитети подобро надвор од летната сезона. За тоа е потребна креативност и добар менаџмент, но и корекција на цените, како еден од неопходните маркетинг потези за привлекување на гости вон сезоната, посочуваат експертите.
OhridNews
