Со „Светот на Биби“ на 28-ми декември започнува Новогодишната програма на градскиот плоштад „Св. Климент Охридски“ во Охрид во организација на локалната власт.
Наредниот ден на плоштадот ќе се одржи театарската претстава „Ракавиците на Дедо Мраз“, а на 30-ти декември детската претстава „Далматино и Дедо Мраз“. На 31 декември на плоштадот ќе биде одржан музичко – театарскиот спектакл за деца и млади „Новогодишна детска бајка“. Сите случувања кои се дел од новогодишната програма, а се посветени за најмладите ќе започнуваат во 12:30 часот, информираат од Општина Охрид.
За забавниот дел на дочекот на Новата Година на градскиот плоштад во Охрид ќе се погрижат диџеите Јана Слеј и Багзи, Татјана Стефановска, групата ДНК, Нино Величковски и групата „Фортуна“. Почетокот е закажан за 21:00 часот.
На 1-ви јануари 2024 г. точно на пладне ќе настапат групата „Балкан џем“ и Драган Мијалковски.
OhridNews
